Gasteizen atxilotu dute emakume baten aurkako sexu-abusuengatik
Ertzaintzak 59 urteko gizonezko bat atxilotu zuen atzo goizean Gasteizen, sexu-abusuen delitua leporatuta. Gizonezkoa laguntza-zentro batean bizi da eta bertako langile bat bortxatu zuen.
Atzo goizean gertatu zen gizarteratze-arazoak dituzten pertsonak hartzen dituen Arabako hiriburuko laguntza-zentro batean. Biktima gela batean bere lana egiten ari zela, egoiliar bat hurbildu eta bortxatzen saiatu zen. Biktimak gizonezkoarengandik alde egitea lortu zuen, eta gertatutakoaren berri zentroaren arduradunari eman zionean, honek Ertzaintzara deitu zuen.
Patruila bat berehala hurbildu zen zentrora, eta aldeekin hitz egin ondoren eta gizonezkoak gertatutakoa aitortu ostean, atxilotu egin zuten sexu-askatasunaren aurkako delitu bat leporatuta.
