Atxilotua Gasteizko kirol-instalazio batzuetako kablea lapurtzeagatik
Adierazitako lekura hurbildu ziren kale-jantziko agente batzuek gizonezko bat aurkitu zuten argi-dorre baten ondoan, kutxatila batetik kablea ateratzen. Polizia ikustean, susmagarria ihes egiten ahalegindu zen, eta instalazioetako perimetroko hesiaren gainetik jauzi egin zuenean uniformedun ertzain batzuekin egin zuen topo, eta atxilotu egin zuten. Gizonezkoak laneko eskularruak zituen jantzita, eta kurrikak, bihurkin bat, kutxatilak jasotzeko kako bat eta linterna bat aurkitu zizkioten.
Ondoren egindako miaketan 15 metro kable aurkitu zituzten moztuta argiteria publikoko kutxatila baten ondoan, eta beste 25 metro kable errugbi-zelaia inguratzen duen atletismoko pistan.
Atxilotuak 43 ditu eta, Ertzaintzarekin duen historialaren arabera, aurretik zazpi aldiz arrastatu dute, eta atzo goizean eraman zuten epailearen aurrera.
